உடலுக்கு ஆரோக்கியத்தையும் சுறுசுறுப்பையும் அளிக்கும் கரும்புச்சாறு

சென்னை: உடலுக்கு ஆரோக்கியத்தையும், மனதுக்கு உற்சாகத்தையும் அளிக்கிறது கரும்பு சாறு.

காலை உணவுடன் ஒரு கிளாஸ் கரும்பு சாறு உங்களை நாள் முழுவதும் உற்சாகமாக வைத்திருக்கும். காபிக்கு பதிலாக கரும்புச்சாறு குடிப்பது உடலுக்கு நல்லது. கோடையில் சிறிது குளிர்ந்த கரும்புச் சாறு, எலுமிச்சை சாறு மற்றும் இஞ்சி சாறு கலந்து சாப்பிட்டு வந்தால், உடல் புத்துணர்ச்சியை உடனே உணரலாம்.

கரும்புச் சாறு நாவிற்கு சுவையாக இருப்பது மட்டுமின்றி சத்துக்களும் நிறைந்தது. நீர், நார்ச்சத்து மற்றும் சுக்ரோஸ் நிறைந்த கரும்புச்சாறு பாரம்பரிய மருத்துவத்தில் ஆரோக்கிய பானமாக பரிந்துரைக்கப்படுகிறது. கரும்பு சாற்றின் நன்மைகள் பற்றிய கூடுதல் தகவல்கள் இங்கே. கரும்புச் சாற்றில் இயற்கையாகவே சுக்ரோஸ் நிறைந்துள்ளது,

இது உடலுக்கு ஆற்றலின் முக்கிய ஆதாரமாகும். இது உடலில் சர்க்கரை அளவை சீராக்க உதவுகிறது. செல்களுக்கு போதுமான நீரேற்றத்தை வழங்குகிறது. உடல் சோர்வு மற்றும் மன அழுத்தத்தை குறைக்கிறது. காலை உணவுடன் ஒரு கிளாஸ் கரும்பு சாறு உங்களை நாள் முழுவதும் உற்சாகமாக வைத்திருக்கும்.

வயிற்றில் அமிலத்தன்மையை சமன் செய்து செரிமானத்தை மேம்படுத்தும் பொட்டாசியம் சத்து கரும்புச்சாற்றில் நிறைந்திருப்பதால் காபிக்கு பதிலாக கரும்புச்சாறு குடிப்பது உடலுக்கு நல்லது.

மலச்சிக்கல் உள்ளவர்கள் நார்ச்சத்து நிறைந்த கரும்புச் சாற்றைக் குடித்து வர செரிமான மண்டலத்தைச் சுத்தப்படுத்தலாம். புற்றுநோயைத் தடுக்கிறது: கரும்புச் சாற்றில் கால்சியம், மாங்கனீஸ், இரும்பு மற்றும் மெக்னீசியம் போன்ற அத்தியாவசிய ஊட்டச்சத்துக்கள் நிறைந்துள்ளன. இவை உடலின் நோய் எதிர்ப்பு சக்தியை அதிகரிக்கும்.

இதில் உள்ள ஃபிளாவனாய்டுகள் புற்றுநோயை உண்டாக்கும் வீரியம் மிக்க செல்களை எதிர்த்துப் போராடுகின்றன. ஒரு டம்ளர் கரும்புச் சாறு வாரம் 3 முறை குடித்து வந்தால், உடலின் நோய் எதிர்ப்புச் சக்தி பலப்படும். புத்துணர்ச்சி தரும்:

கரும்புச் சாற்றில் உள்ள ‘கிளைகோலிக் அமிலம்’ புத்துணர்ச்சியைத் தரும். சருமத்தில் நேர்த்தியான கோடுகள் மற்றும் சுருக்கங்களைத் தடுக்கிறது. இதில் உள்ள ஆன்டிஆக்ஸிடன்ட்கள், ஃபிளாவனாய்டுகள் மற்றும் பினாலிக் அமிலம் சருமத்தில் ஈரப்பதத்தை தக்கவைத்து, மென்மையாகவும் மிருதுவாகவும் இருக்கும்.