உடல் எடையை குறைக்க உங்களுக்கு உதவும் சுரைக்காய் ஜூஸ்

சென்னை: உடல் எடையை குறைக்க சுரைக்காய் ஜூஸ்... சுரைக்காய் பல வித ஆரோக்கிய நன்மைகள் அடங்கிய ஒரு பச்சை காய்கறியாகும். இதில் வைட்டமின் ஏ, வைட்டமின் பி, வைட்டமின் சி, வைட்டமின் ஈ, வைட்டமின் கே, இரும்புச்சத்து, ஃபோலேட், மெக்னீசியம், ஜிங்க் மற்றும் பொட்டாசியம் போன்ற பண்புகள் நிறைந்துள்ளன.

போதுமான அளவு தண்ணீரும் சுரைக்காயில் உள்ளது. ஆகையால், இதை உட்கொண்டால் உங்கள் வயிறு ஆரோக்கியமாக இருக்கும். பொதுவாக சுரைக்காய் கறி, பகோடா, கூட்டு அல்லது அல்வா ஆகிய உணவு வகைகள் மிகவும் விரும்பப்படும். ஆனால் நீங்கள் எப்போதாவது சுரைக்காய் சாறு குடித்து நாளை துவக்கியுள்ளீர்களா? இல்லையென்றால், அதை கண்டிப்பாக செய்து பாருங்கள்.

சுரைக்காய் சாறு தயாரிப்பதற்கான செய்முறை தெரிந்து கொள்வோம். சுரைக்காய் சாறு குடிப்பது உங்கள் உடலில் உள்ள கெட்ட கொலஸ்ட்ராலை அகற்ற உதவுகிறது. மிக விரைவாக இதை தயாரித்து குடிக்கலாம்.

தேவையான பொருட்கள்:
1 சுரைக்காய்1/2 டீஸ்பூன் சீரக தூள்1/2 தேக்கரண்டி நொறுக்கப்பட்ட கருப்பு மிளகு1 அங்குல துண்டு இஞ்சி2 டீஸ்பூன் எலுமிச்சை சாறு2 டீஸ்பூன் புதினா இலைகள்1 கிளாஸ் குளிர்ந்த நீர்ருசிக்கு ஏற்றவாறு உப்பு4-5 ஐஸ் கட்டிகள்

செய்முறை: சுரைக்காய் சாறு தயாரிக்க, முதலில் சுரைக்காய் எடுத்துக் கொள்ளுங்கள். பின்னர் அதை நன்றாக தோலுரித்து சிறிய துண்டுகளாக வெட்டிக்கொள்ளவும்.

அதன் பிறகு, புதினா இலைகளை கழுவி பொடியாக நறுக்கவும். பிறகு பொடியாக நறுக்கிய சுரைக்காய், சீரகத்தூள், மிளகுத்தூள், இஞ்சித் துண்டுகளை மிக்ஸியில் போடவும்.

அதன் பிறகு, அதில் சிறிது உப்பு மற்றும் எலுமிச்சை சாறு சேர்த்து பிளெண்ட் செய்து கொள்ளவும். பின்னர் பிளெண்டரின் மூடியைத் திறந்து அதில் நீரை சேர்க்கவும். அதற்கு பிறகு மீண்டும் நன்றாக அரைத்து, பேஸ்ட்டை மீண்டும் ஒரு முறை சுமார் 1-2 நிமிடங்கள் கலக்கவும்.

பின்னர் இந்த சாற்றை ஒரு கிளாஸில் ஊற்றி அதில் இரண்டு மூன்று ஐஸ் கட்டிகள் போடவும். (ஐஸ் கட்டிகள் போடாமலும் குடிக்கலாம்). உங்களது சத்தான சுரைக்காய் சாறு தயாராகி விட்டது. சுரைக்காயில் உள்ள பண்புகள் உடல் எடையை வேகமாக குறைக்க உதவும்.

வெயில் காலத்தில் சுரைக்காய் சாப்பிடுவதால், உங்கள் உடல் வெப்பநிலை கட்டுப்படும். அதாவது, வெப்பத்தை எதிர்த்து போராட இது உதவுகிறது.