நாவை சுண்டி இழுக்கும் சுவையான பால் கொழுக்கட்டை

நாவை சுண்டி இழுக்கும் சுவையான பால் கொழுக்கட்டை எப்படி சுலபமாக செய்வது என்று இந்த பதிவில் காணலாம்.

தேவையான பொருட்கள்
அரிசி மாவு 1/2 கப்
பால் 1/2 கப்
தண்ணீர் 2 மேசைக்கரண்டி
சர்க்கரை 1 /2 கப்
நெய் 1 மேசைக்கரண்டி
ஏலக்காய் பொடி 2 கிராம்
உப்பு ஒரு சிட்டிகை
அலங்கரிக்க குங்குமப்பூ சிறிது
பிஸ்தா, பாதாம் சிறிதளவு

செய்முறை:
ஒரு பாத்திரத்தில் அரிசிமாவு, தண்ணீர், பால் ஆகியவற்றை ஒன்றாகக் கலந்து கொள்ளவும். மிதமான சூட்டில் அடுப்பை வைத்து கட்டி விழமால் கிளறிக் கொண்டேயிருக்க வேண்டும். உருண்டை பிடிக்கும் பதத்திற்கு வந்தவுடன் அடுப்பை அனைத்து ஆற விடவும். மாவு ஆறியதும், அதனுடன் நெய் சேர்த்து சிறு சிறு உருண்டைகளாக பிடித்துக்கொள்ளவும். ஒரு பாத்திரத்தில் பால் மற்றும் சர்க்கரை ஒன்றாக சேர்த்து மிதமான சூட்டில் கொதிக்கவிடவும். இதில் உருட்டி வைத்துள்ள உருண்டைகளை சேர்க்கவும். கொழுக்கட்டை மேலே மிதக்க ஆரம்பித்ததும், ஏலக்காய் தூள், குங்குமப்பூ சேர்த்து இறக்கவும்.