- வீடு›
- சமையல் குறிப்புகள்›
- பச்சை மிளகாயில் காரசாரமான குழம்பு செய்வது பற்றி உங்களுக்காக!!!
பச்சை மிளகாயில் காரசாரமான குழம்பு செய்வது பற்றி உங்களுக்காக!!!
By: Nagaraj Mon, 28 Dec 2020 8:42:20 PM
பச்சை மிளகாய் என்றாலே வெகு தூரம் ஓட்டம் பிடிப்போம். இந்த பச்சைமிளகாயில் அருமையாக குழம்பு செய்வது பற்றி தெரிந்து கொள்ளுங்கள்.
தேவையான பொருள்கள் :
பச்சை மிளகாய் - 16
குட மிளகாய் - 2
தக்காளி - 2
சீரகம் - 2 ஸ்பூன்
சின்ன வெங்காயம் - 16
எண்ணெய் - தேவையான அளவு
உளுந்தம் பருப்பு - 1/2 ஸ்பூன்
புளி - சிறிது
வெந்தயம் - 2 ஸ்பூன்
உப்பு - தேவையான அளவு
செய்முறை: முதலில் பச்சை மிளகாய் மற்றும் குட மிளகாயை பொடியாக
நறுக்கி கொள்ளவேண்டும் . பிறகு புளியை தண்ணீர் ஊற்றி கரைத்து
கொள்ளவேண்டும். வெங்காயம் மற்றும் தக்காளியை பொடியாக நறுக்கி கொள்ளவேண்டும்
.
அதன் பின் வாணலியில் எண்ணெய் விட்டு காய்ந்ததும் கடுகு, உளுந்தம்
பருப்பு, வெந்தயம், சீரகம் போட்டு தாளித்த பின் வெங்காயம் சேர்த்து நன்றாக
வதக்கவேண்டும் . பிறகு வெங்காயம் நன்றாக வதங்கியதும் பச்சை மிளகாய்
மற்றும் குட மிளகாய் சேர்த்து நன்றாக வதக்கவேண்டும் .
அடுத்து அதில்
தக்காளியை சேர்த்து வதக்கி தேவையான அளவு உப்பை போடவும். பின்னர் கரைத்து
வைத்துள்ள புளிக்கரைசலை ஊற்றி சிறிது நேரம் கொதிக்க விடவேண்டும் . பின்பு
மிளகாய் நன்றாக வெந்து எண்ணெய் பிரிந்து வரும் போது இறக்கி பரிமாறவும்.
காரசாரமான பச்சை மிளகாய் குழம்பு தயார்.