சுவை மிகுந்த உண்ணியப்பம் சுலபமாக செய்வது எப்படி?

மாலையில் சூடான இனிப்பு சாப்பிட விரும்பும் உங்கள் குடும்ப நபர்களுக்கு உண்ணியப்பம் செய்து கொடுங்கள்.

தேவையான பொருட்கள்
பச்சரிசி - 200 கிராம்
சலித்த மாவு - 50 கிராம்
பச்சை வாழைப்பழம் - இரண்டு
பொடித்த வெல்லம் - 75 கிராம்
ஏலக்காய் பொடி - 20 கிராம்
சோடா மாவு (விரும்பினால்) ஒரு துளி
தேங்காய் துருவல் - 2 மேசைக்கரண்டி
நெய் - வறுப்பதற்குத் தேவையான அளவு.

செய்முறை
பச்சரிசியை சுத்தம் செய்து, ஊற வைத்து, கழுவி வைத்துக்கொள்ளவும். கரகரப்பான மாவாக அரைத்துக் கொண்டு, ஓரமாக வைக்கவும். வாழைப் பழங்களை மசித்து, ஓரமாக வைக்கவும். வெல்லத்தை குறைவான தண்ணீரில் உருக்கவும். குளிர விட்டு, வடிகட்டவும். வாழைப்பழம், உருக்கிய வெல்லம் மற்றும் ஏலக்காய் பொடி ஆகியவற்றை மாவுடன் சேர்க்கவும்.

கொஞ்சம் நெய்யை சூடாக்கி, அதில் தேங்காய் துண்டுகளை பழுப்பாகும் வரை வறுக்கவும். அதை மாவுடன் சேர்க்கவும். உண்ணியப்பம் கடாயைச் சூடாக்கி, அதில் நெய்யை ஊற்றவும். மேசைக்கரண்டி அளவுள்ள மாவை, அதிலுள்ள குழிகள் முக்கால் அளவுக்கு நிரம்பும் வரை ஊற்றவும். கீழ் பகுதி, பொன்னிறமாகும் வரை சமைக்கவும், இப்போது திருப்பிப் போட்டு மறுபுறம் சமைக்கவும். சமைக்கப்பட்டவுடன் பேப்பர் நாப்கின் மூலம் நெய்யை மேலே பூசவும்.