- வீடு›
- சமையல் குறிப்புகள்›
- புரதச்சத்துக்கள் நிறைந்த சாமை டிலைட் செய்முறை
புரதச்சத்துக்கள் நிறைந்த சாமை டிலைட் செய்முறை
By: Nagaraj Thu, 15 Sept 2022 10:09:17 AM
சென்னை: புரதச்சத்துக்கள் நிறைந்த சாமை டிலைட் செய்முறை உங்களுக்காக. குழந்தைகளின் ஆரோக்கியத்திற்கு இது சிறந்த ஒன்றாகும்.
தேவையானவை:
சாமை - 200 கிராம்,
பால் - அரை கப்,
தயிர் - ஒரு கப்,
வெண்ணெய் - 2 டீஸ்பூன்,
பெருங்காயத்தூள் - ஒரு சிட்டிகை,
உப்பு - தேவையான அளவு.
தாளிக்க:
கடுகு மற்றும் பெருங்காயத்தூள் - தலா அரை டீஸ்பூன்,
காய்ந்த மிளகாய் - 2
எண்ணெய் - 2 டீஸ்பூன்.
மேலே தூவ:
துருவிய மாங்காய்,
கேரட் மற்றும் வெள்ளரி - ஒரு டேபிள் ஸ்பூன்.
நறுக்கிய கொத்தமல்லித்தழை - சிறிதளவு.
செய்முறை: சாமையுடன் உப்பு, பெருங்காயத்தூள், பால் சேர்த்து வேக விட்டு
ஆறியதும் தயிர், வெண்ணெய் சேர்க்கவும். தாளிக்கும் பொருட்களைத் தாளித்து
சேர்த்து, மேலே மாங்காய், கேரட், வெள்ளரி, கொத்தமல்லித்தழை தூவிப்
பரிமாறவும்.
பயன்கள்: சாமையில் புரதச்சத்தும் இரும்புச்சத்தும்
கார்போஹைட்ரேட்டும் நிறைந்துள்ளன. இது உடலை வலுவாக்கி சோர்வற்று
உழைப்பதற்கான ஆற்றலைத் தரும்.