அசத்தலான சுவையில் உடைத்த முட்டை குழம்பு செய்வது எப்படி?

பச்சை மிளகாய், கொத்தமல்லி தக்காளி ஃபிளேவரில் சமைக்கப்படும் உடைத்த முட்டை குழம்பு எப்படி செய்வது என்று பார்க்கலாம்.

2 மேசைக்கரண்டி நெய்
2 வெங்காயங்கள், ஒன்று நன்றாக நறுக்கியது, ஒன்று மெலிதாக வெட்டியது
7 பூண்டு துண்டுகள், நறுக்கியது
1/2- செ.மீ. புதிய இஞ்சி
1 மேசைக்கரண்டி நறுக்கிய கொத்தமல்லி
1/2- தேக்கரண்டி மஞ்சள் தூள்
1/2- தேக்கரண்டி மிளகாய் தூள்
500 கி. தக்காளிகள், நன்றாக அடித்து, தோலுரித்து, பியூரி ஆக்கப்பட்டது
1/2- தேக்கரண்டி உப்பு
1 தேக்கரண்டி வினிகர்
1 தேக்கரண்டி சர்க்கரை
4 முட்டைகள்

செய்முறை
வானலியில் நெய்யை சூடாக்கவும், மெலிதாக வெட்டிய வெங்காயத்தைப் பொன்னிறமாகும் வரை வதக்கவும். பூண்டு மற்றும் இஞ்சியை விழுதாக அரைத்து கொள்ளவும். அதையும் வானலியில் சேர்த்து, இரண்டு நிமிடங்கள் வரை சமைக்கவும். கொத்தமல்லி இலைகள், தூளாக்கிய மசாலா மற்றும் நறுக்கிய வெங்காயத்தை போட்டு, சில நிமிடங்கள் வரை சமைக்கவும்.

தக்காளி பியூரியை அதனுடன் சேர்க்கவும். உப்பு சேர்த்து மூடாமல், கிட்டத்தட்ட அது உலர்வாகும் வரை சமைக்கவும். வினிகர், சர்க்கரையை சேர்க்கவும். இந்த கலவையை பேக்கிங் பாத்திரத்தில் இட்டு, ஒரு ஸ்பூனைப் பயன்படுத்தி அதில் நான்கு குழிகளை ஏற்படுத்தவும். அதில் ஒவ்வொன்றிலும் ஒரு முட்டையை உடைத்து ஊற்றவும். ஓவனில் 160 டிகிரியில் முட்டைகள் செட் ஆகும் வரை சமைக்கவும். பின்னர் அதை வானலியில் வைத்து குறைவான சூட்டில் சமைத்து, சூடாக பரிமாறவும்.