உடல் ஆரோக்கியத்தை உயர்த்தும் முருங்கைக்கீரை சப்பாத்தி

சென்னை: உடலுக்கு முருங்கைக்கீரை இரும்புச்சத்துக்களை அள்ளித்தருகிறது. சிலருக்கு முருங்கைக்கீரை என்றால் விருப்பமே இருக்காது. அப்படிப்பட்டவர்களுக்கு முருங்கை கீரை சப்பாத்தி செய்து தாருங்கள். விரும்பி சாப்பிடுவார்கள்.

மருத்துவ குணம் நிறைந்த முருங்கை இலையை அடிக்கடி உணவில் சேர்த்தோ, சூப்பாகவோ செய்து குடியுங்கள். இன்று முருங்கைக்கீரை சப்பாத்தி எப்படி செய்வது என்று பார்க்கலாம்.

தேவையான பொருட்கள் :

சப்பாத்தி மாவு – 1 கப்
முருங்கை கீரை – 1/4 கப்
வெங்காயம் – 1
பூண்டு – 5
மஞ்சள் தூள்- 1
சிட்டிகை உப்பு – தேவையான அளவு

செய்முறை : வெங்காயம், முருங்கைக் கீரை, பூண்டை பொடியாக நறுக்கிக் கொள்ளவும். ஒரு பாத்திரத்தில் சப்பாத்தி மாவை போட்டு அதோடு உப்பு சேர்த்து கலந்த பின்னர் நறுக்கி வைத்துள்ள வெங்காயம், முருங்கை கீரை, மஞ்சள் தூள், பூண்டு சேர்த்து நன்றாக கலக்கவும்.

இப்போது தேவையான அளவு தண்ணீர் சேர்த்து சப்பாத்திக்கு மாவு பிசைவதுபோல் பிசைந்து அரை மணி நேரம் ஊற வைக்கவும். பின்னர் மாவை உருண்டைகளாக உருட்டி சப்பாத்தி கல்லில் திரட்டி தோசைக் கல்லில் போட்டு சுற்றி எண்ணெய் விட்டு இருபுறமும் வேக விட்டு சுட்டு எடுத்தால் முருங்கைக் கீரை சப்பாத்தி ரெடி.