- வீடு›
- சமையல் குறிப்புகள்›
- சத்தான அவகாடோ ஐஸ் கிரீம் ஈஸியாக செய்யலாம் வாங்க!
சத்தான அவகாடோ ஐஸ் கிரீம் ஈஸியாக செய்யலாம் வாங்க!
By: Monisha Sat, 13 June 2020 1:47:36 PM
குழந்தைகளுக்கு ஐஸ்கிரீம் என்றால் கொள்ளை பிரியம். இனி நீங்களே உங்கள் குழந்தைகளுக்கு விதவிதமாக ஐஸ்கிரீம் செய்து கொடுத்து அசத்தலாம். இன்றைக்கு சத்தான அவகாடோ ஐஸ் கிரீம் எப்படி ஈஸியாக செய்வது என்று பார்க்கலாம்.
என்னென்ன தேவை?
அவகாடோ – 2
ஹெவி கிரீம் – 1 + 1/2 கப்
கன்டென்ஸ்டு மில்க் – தேவையான அளவு
வெண்ணிலா எசன்ஸ் – 2 தேக்கரண்டி
எப்படிச் செய்வது?
ஹெவி கிரீம் செய்ய...ஒரு பாத்திரத்தை சூடு செய்து வெண்ணெயை உருக்கி ஆற விடவும். இத்துடன் பால் சேர்த்து ஹான்டு பீட்டர் கொண்டு நன்கு அடிக்கவும். இதை ஃப்ரிட்ஜில் வைத்து 2 நாட்கள் வரை பயன்படுத்தலாம். அல்லது ஒரு பாத்திரத்தில் பாலை கொதிக்க வைத்து, மேலே படிந்து வரும் ஆடைகளை எடுத்து ஒரு பாத்திரத்தில் போடவும். சேகரித்த பால் ஆடைகளை மிக்சியில் ஒரு சுற்று சுற்றி இறக்கவும். ஹெவி கிரீம் தயார்.
முதலில் அவகாடோவை 1 கப் கிரீமுடன் சேர்த்து மசித்து வைக்கவும். ஒரு பெரிய கிண்ணத்தில் அவற்றை மாற்றி அத்துடன் கன்டென்ஸ்டு மில்க், கிரீம் சேர்த்து ஹான்ட் பீட்டர் கொண்டு நுரைக்க அடிக்கவும். வெண்ணிலா எசன்ஸ் சேர்த்து நன்றாக கலந்து 5 முதல் 6 மணி நேரம் ஃப்ரிட்ஜில் வைத்து எடுக்கவும். சுவையான சத்தான அவகாடோ ஐஸ் கிரீம் ரெடி.