சத்தான டிரை ஃப்ரூட் அல்வா செய்வது ரெம்ப சுலபம்!

டிரை ஃப்ரூட் சேர்த்து செய்யும் அல்வா குழந்தைகளின் ஆரோக்கியத்திற்கு மிகவும் நல்லது. இன்று வீட்டிலேயே எளியமுறையில் டிரை ஃப்ரூட் அல்வாஅல்வாவை செய்வது எப்படி என்று பார்க்கலாம்.

தேவையான பொருட்கள்
- 100 கிராம்,
கர்ஜூர் - 8 (விதை நீக்கியது)
நெய் - 100 கிராம்,
சர்க்கரை - 250 கிராம்,
எண்ணெய் - 50 மில்லி,
டூட்டி ஃப்ரூட்டி - 50 கிராம்,
முந்திரி, திராட்சை - தலா 25 கிராம்,
வெள்ளரி விதை - ஒரு டீஸ்பூன்

செய்முறை
முதலில் பேரீச்சை, கர்ஜூர் இரண்டையும் முதல் நாள் இரவே மூழ்கும் அளவு நீர் விட்டு ஊற வைத்து, மறு நாள் அந்த நீருடன் நைஸாக அரைக்கவும். நெய் மற்றும் எண்ணெயை ஒன்றாக சேர்க்கவும். வாணலியில் சர்க்கரை, அரைத்த விழுது சேர்த்து கிளறவும் (முதலில் அது இளகும். பயப்பட வேண்டாம்).

அவ்வப்போது நெய் மற்றும் எண்ணெய் கலவை சேர்த்து நன்கு கிளறவும். ஒட்டாமல் வரும் போது முந்திரி, திராட்சை, வெள்ளரி விதை, டூட்டி ஃப்ரூட்டி சேர்த்து இறக்கவும். சூப்பரான டிரை ஃப்ரூட் அல்வா ரெடி.