சின்ன வெங்காய கொத்தமல்லி துவையல் செய்வது எப்படி?

இன்று நாம் தோசை வகைகளுக்கு ஏற்ற சின்ன வெங்காய கொத்தமல்லி துவையல் செய்வது எப்படி என்று பார்க்கலாம்.

தேவையான பொருட்கள்
சின்ன வெங்காயம் - 50 கிராம்,
கறிவேப்பிலை - ஒரு கொத்து
புதினா, கொத்தமல்லி - ஒரு கைப்பிடி
காய்ந்த மிளகாய் - 12,
கல் உப்பு - தேவையான அளவு

செய்முறை
புதினா, கொத்தமல்லியை நன்றாக கழுவி பொடியாக நறுக்கி கொள்ளவும். சின்ன வெங்காயத்தை தோலுரித்து நன்றாகக் கழுவிக்கொள்ளவும்.ஒரு சிறிய பாத்திரத்தில் ஒரு கப் தண்ணீரைச் சூடாக்கவும். பின்னர் அதில் உறித்த சின்ன வெங்காயம், புதினா, கொத்தமல்லி, காய்ந்த மிளகாய் சேர்த்து, அடுப்பை மிதமான தீயில் வைத்து வேகவிடவும். வெங்காயம் லேசாக நிறம் மாறியதும் அடுப்பை அணைத்துவிடவும்.

வேக வைத்தவற்றை நன்கு ஆறவிடவும். மிக்ஸி ஜாரில் கல் உப்பு, வேகவைத்த வெங்காய கலவையை போட்டு நன்கு அரைத்துக்கொள்ளவும். அரைத்த விழுதைச் சிறிய கிண்ணத்துக்கு மாற்றிக்கொள்ளவும். சத்தான சுவையான சின்ன வெங்காய கொத்தமல்லி துவையல் தயார்.