மல்டி பருப்பு பொடி... தயாரித்து பார்த்து இருக்கீங்களா... இதோ செய்முறை

சென்னை: பருப்புப் பொடி கேள்விப்பட்டு இருப்பீங்க... மல்டி பருப்பு பொடி... மிகவும் ஆரோக்கியமான இதை தயாரிப்பது எப்படி என்று தெரிந்து கொள்ளுங்கள்.

தேவையானவை: துவரம்பருப்பு - ஒரு கப், உளுத்தம்பருப்பு, பாசிப்பருப்பு, கடலைப்பருப்பு, கொள்ளு - தலா 4 டேபிள் ஸ்பூன், மிளகு - 10, காய்ந்த மிளகாய் - 4, பெருங்காயத்தூள், உப்பு - தேவையான அளவு.

செய்முறை: பெருங்காயத்தூள், உப்பு தவிர, மற்ற அனைத்து பொருட்களையும் தனித்தனியாக வெறும் கடாயில் பொன்னிறத்தில் வறுத்துக் கொள்ளவும். பிறகு அவற்றை ஒன்றாக்கி ஈரமில்லாத மிக்ஸியில் அரைத்து, பெருங்காயத்தூள், உப்பு சேர்த்து நன்கு கலக்கவும். பிறகு, ஈரமற்ற, காற்றுப்புகாத சுத்தமான டப்பாவில் சேமித்து வைக்கவும்.

சூடான சாதத்தில் இந்தப் பொடியுடன் நெய் அல்லது எண்ணெய் விட்டுப் பிசைந்து சாப்பிடலாம். சாம்பார், குழம்பு வைக்க முடியாத அவசர காலங்களில் கை கொடுக்கும் இந்த மல்டி பருப்புப் பொடி. ஆரோக்கியமான ஒன்றுதான் இது.