சூப்பர் சுவையில் பிட்சா ஸ்டைல் பான் கேக் செய்வது எப்படி?

ஜப்பானிய பிட்சா ஸ்டைல் பான் கேக், அதனுடன் இஞ்சி, மற்றும் தக்காளி, சோயா சாஸ் சேர்த்து செய்வது எப்படி என்று பார்க்கலாம்.

சாஸ் தயாரிக்க
- 2 மேசைக்கரண்டி தக்காளி சாறு (பியூரி)
- 2 மேசைக்கரண்டி தக்காளி கெட்ச்-அப்
- 3 மேசைக்கரண்டி சோயா சாஸ்
- 70 மி.லி. வார்செஸ்டர் ஷையர் சாஸ்
- 1 தேக்கரண்டி சர்க்கரை
- 7 மேசைக்கரண்டி தண்ணீர்
- 2 மேசைக்கரண்டி சோள மாவு ஸ்டார்ச், நீரில் கரைக்கப்பட்டது

பான்கேக்குகள் தயாரிக்க
- 150 கி. டெம்ப்யூரா மாவு அல்லது மைதா மாவு
- 50 கி. இஞ்சி, துருவியது
- 300 கி. கோஸ், துருவியது
- 50 கி. மயோனீஸ்
- 20 கி. ஸ்பிரிங் ஆனியன், அலங்கரிக்க
- பச்சை மிளகாய், அலங்கரிக்க

செய்முறை:
சாஸ் செய்வதற்கு, சோள மாவு ஸ்டார்ச்சைத் தவிர மற்ற அனைத்தையும் ஒரு வாணலியில் இட்டு கொதிக்க வைக்கவும். பிறகு அதை கெட்டியாக்க சோள மாவு ஸ்டார்ச்சை சேர்க்கவும். பிறகு இறக்கிவிடவும்.

பான் கேக்குகளை செய்வதற்கு, டெம்ப்யூரா மாவையும் இஞ்சி, கோஸையும் சேர்த்து, நீர் சேர்த்து திக்கான கலவையாக செய்து கொள்ளவும். இதை ஒரு நான் -ஸ்டிக் பேனில் கொட்டி, பான் கேக்குகளாக வெட்டவும். இரண்டு புறமும் வேகும் வரை சமைக்கவும். கொஞ்சம் சாஸ், மயோனீஸ் சேர்த்து, ஸ்பிரிங் ஆனியன், பச்சை மிளகாயால் அலங்கரிக்கவும்.