பூசணிக்காய் சாமை அரிசி தோசை செய்வது எப்படி ?

பூசணிக்காய் சாப்பிடுவதன் மூலம் உடலில் உள்ள கெட்ட கொழுப்பு குறைந்து உடல் எடை குறைவதற்கு உதவுகிறது. பூசணிக்காய் வைத்து தோசை செய்வது எப்படி என்று பார்ப்போம்.

தேவையான பொருட்கள் :
பூசணிக்காய் துருவல் - பெரிய துண்டு
இட்லி அரிசி - 1 கப்
சாமை அரிசி - 1 கப்
உளுத்தம்பருப்பு - 1/4 கப்
சின்ன வெங்காயம் - 10
காய்ந்த மிளகாய் - 7
எண்ணெய் - தேவையான அளவு
உப்பு - தேவையான அளவு

செய்முறை :

ஒரு பாத்திரத்தில் இட்லி அரிசி, உளுத்தம்பருப்பு, சாமை அரிசி ஆகியவற்றை ஒன்றாக சேர்த்து 5 மணி நேரம் ஊற வைக்க வேண்டும். பின்னர், பூசணிக்காயை நன்கு பூ போன்று துருவி வைத்துக்கொள்ள வேண்டும். பின் வாணலியில் எண்ணெயை விட்டு அதில் காய்ந்த மிளகாய், பொடியாக நறுக்கிய சின்ன வெங்காயம், பூசணிக்காய் துருவல், மற்றும் உப்பு சேர்த்து வதக்க வேண்டும்.

நன்கு வதங்கியவுடன் அந்த கலவையை ஊறவைத்த அரிசி, உளுந்துடன் சேர்த்து நைசாக அரைத்துக் கொள்ள வேண்டும். பின்னர், அரைத்த மாவை 7 முதல் 8 மணி நேரம் புளிக்க வைக்க வேண்டும். மாவு நன்கு புளித்த பின் தோசைகல்லில் ஊற்றி இரு புறமும் திருப்பி போட்டு எடுத்தால் சுவையான பூசணிக்காய் சாமை அரிசி தோசை தயார்.