சூப்பரான சுவையான ஸ்ட்ராபெர்ரி ஐஸ்க்ரீம் செய்யலாம் வாங்க!

குழந்தைகளுக்கு ஐஸ்கிரீம் என்றால் கொள்ளை பிரியம். இனி நீங்களே உங்கள் குழந்தைகளுக்கு விதவிதமாக ஐஸ்கிரீம் செய்து கொடுத்து அசத்தலாம்.

தேவையான பொருட்கள்
பால்
சர்க்கரை-500 கிராம்
கார்ன்ஃப்ளார்-200 கிராம்
ஜெலட்டின்-1 டேபிள்ஸ்பூன்
ஃப்ரெஷ் க்ரீம் (தேவைப்பட்டால்)-1 டீஸ்பூன்
ஸ்ட்ராபெர்ரி பழங்கள்- சிறிது
ஸ்ட்ராபெர்ரி எசென்ஸ்

செய்முறை
பாலை அடுப்பில் வைத்துக் கொதி வந்ததும் சர்க்கரை சேர்த்து மறுபடி காய்ச்சவும். ஆறிய பால் சிறிது எடுத்து அதில் கார்ன்ஃப்ளார் கலந்து தனியே வைக்கவும். தண்ணீரில் ஜெலட்டினை கரைத்து அடுப்பில் 2 நிமிடங்கள் வைத்து அதில் கொதித்துக் கொண்டிருக்கிற பால் கார்ன்ஃப்ளார்-ல் சேர்க்கவும்.

கார்ன்ஃப்ளார் வெந்து கலவை ஓரளவு கெட்டியானதும் இறக்கி ஆற விடவும். ஆறியதும் எசென்ஸும் ஃப்ரெஷ் கிரீமும் சேர்த்து, மிக்சியில் விப்பர் பிளேடில் ஒரு சுற்று ஓட விட்டு பொடியாக நறுக்கிய அல்லது அரைத்த ஸ்ட்ராபெர்ரி சேர்த்துக் கலந்து 2 மணி நேரங்களுக்கு ஃப்ரீசரில் குளிர வைக்கவும். ஐஸ்கிரீம் நன்கு செட் ஆனதும் பரிமாறவும்.