நோய் எதிர்ப்பு சக்தியை அளிக்கும் சிறுகீரை இட்லி செய்முறை

சென்னை: நோய் எதிர்ப்பு சக்தியை அளிக்கும் சிறுகீரை இட்லி செய்து கொடுங்கள். உங்கள் குடும்பத்தினரின் ஆரோக்கியத்தை உயர்த்துங்கள்.

தேவையானவை
இட்லி மாவு- 1 கிலோசிறுகீரை – 1 கட்டுசிறுபருப்பு – 100 கிராம்காய்ந்தமிளகாய் – 6தக்காளி – 1வெங்காயம் – 2உப்பு – தேவையான அளவுபூண்டு – 4 பல்

செய்முறை:முதலில் கீரையை ஆய்ந்து நன்றாக தண்ணீரில் அலசி கொள்ளவும். பிறகு குக்கரில் தேவையான தண்ணீர் ஊற்றி சிறுபருப்பு, காய்ந்தமிளகாய், தக்காளி, வெங்காயம், பூண்டு மற்றும் சிறுகீரை ஆகியவை சேர்த்து 1 விசில் வரும் வரை விடவும்.

பின்னர் வெந்த கீரையை மிக்சியில் அரைத்து இட்லி மாவில் சேர்த்து கலக்கி கொள்ளவும். அடுப்பில் இட்லி பாத்திரத்தை வைத்து மாவை ஊற்றி 15 நிமிடம் வேக வைத்தால் சுவையான ஆரோக்கியம் மிக்க சிறுகீரை இட்லி தயார்.