- வீடு›
- சமையல் குறிப்புகள்›
- செம ருசியில் ஆரோக்கியமான கிரிபத் செய்வோம் வாங்க..!
செம ருசியில் ஆரோக்கியமான கிரிபத் செய்வோம் வாங்க..!
By: Nagaraj Sun, 20 Nov 2022 9:53:25 PM
சென்னை; செம ருசியில் கிரிபத் செய்யலாம் வாங்க. உடலுக்கு செம ஆரோக்கியம். குழந்தைகளும் விரும்பி சாப்பிடுவார்கள்.
தேவையான பொருள்கள் :
தேங்காய் பால் – ஒரு கப்
நீர் – 2 கப்
பச்சரிசி அரிசி – ஒரு கப்
சின்ன வெங்காயம் – ஒரு கை
மிளகாய் வற்றல் – 4
டூனா மீன் – 2 மேசைக்கரண்டி
எலுமிச்சை – பாதி
உப்பு – தேவையான அளவு
செய்முறை: முதலில் அரிசியை கழுவி நீர் விட்டு உப்பு போட்டு வேக
வைக்க வேண்டும். பின் தேங்காயை துருவி அரைத்து கெட்டியாக ஒரு கப் முதல்
பால் எடுக்க வேண்டும்.
பிறகு வெந்த சாதத்தில் தேங்காய் பால்
சேர்த்து மீண்டும் சிறுந்தீயில் வைத்து வேக விடவும். பிறகு தேங்காய் பால்
முழுதும் சாதம் இழுத்துக் கொள்ளும்.
அதன் பின்பு பொங்கலை விட சற்று
கெட்டியான பதத்தில் கிடைக்கும். இது தான் கிரிபத். கட்ட சம்பல் செய்ய
தேவையானவற்றை தயாராக வைக்கவும். முதலில் மீன், மிளகாய் வற்றல், உப்பு
சேர்த்து அரைக்கவும். பின் வெங்காயம் சேர்த்து அரைக்கவும். கடைசியாக
எலுமிச்சை சாறு சேர்த்து எடுக்கவும். முடிந்தால் அம்மியில் அரைக்கவும்.
அடுத்து
மிக்ஸியில் நீரின்றி அரைக்கவும். கட்ட சம்பல் தயார். கிரிபத்தை தட்டில்
கொட்டி அழுத்தி சமமாக்கவும். பின் கத்தியால் துண்டுகள் போடவும். இதன் மேல்
மீண்டும் ஒரு லேயர் கிரிபத் பரப்பவும். பின் துண்டுகளாக்கவும். சுவையான
கிரிபத் தயார்.