மலாய் பனீர் செய்து கொடுங்கள்... சப்பாத்திக்கு சரியான சைட் டிஷ்

சென்னை: பனீரில் அதிக கால்சியம் சக்தி உள்ளதால் உணவில் அடிக்கடி பனீர் சேர்த்து கொள்வது நல்லது. பனீர் என்றாலே குழந்தைகளுக்கும் மிகவும் பிடித்த உணவு என்று கூறலாம். நீங்கள் வீட்டில் சாப்பாத்தி செய்தால் இந்த மலாய் பனீரை தவறாமல் ட்ரை செய்து பாருங்கள். இதை எப்படி செய்வது என்பது பற்றி தெரிந்து கொள்ளலாம்.

தேவையானவை:
பனீர் -200 கிராம்எண்ணெய் - 4 ஸ்பூன்சீரகம் -1 ஸ்பூன்வெங்காயம் -1இஞ்சி பூண்டு பேஸ்ட் -1 ஸ்பூன்முந்திரி -3 ஸ்பூன்பாதாம் -3 ஸ்பூன் உலர்ந்த வெந்தய இலைகள் -1 ஸ்பூன்க்ரீம் - ½ கப்உப்பு -தேவையான அளவுசர்க்கரை -1 ஸ்பூன் மசாலா பொருள்கள்:-மிளகாய் தூள் -1 ஸ்பூன்மல்லித் தூள் -1 ஸ்பூன்சீரகப் பொடி -2 ஸ்பூன்மஞ்சள் தூள் -1 ஸ்பூன்கரம் மசாலா -1ஸ்பூன்

செய்முறை: ஒரு பாத்திரத்தில் எண்ணெய் விட்டு அதில் 200 கிராம் பனீரை பொன்னிறமாக வறுத்துக் கொள்ளவும். பின்னர் வறுத்த பனீரை 15 நிமிடம் வெந்நீரில் ஊறவைக்கவும். 15 நிமிடம் கழித்து, தண்ணீரை பிழிந்து தனி பாத்திரத்தில் பனீரை மாற்றவும்.

முந்திரி மற்றும் பாதாமை நீரில் 15 நிமிடம் ஊறவைத்து மிக்சியில் பேஸ்ட் போல் அரைத்து எடுத்து கொள்ளவும். பின்பு ஒரு வாணலியில் எண்ணெய் ஊற்றி அதில் சீரகம், வெங்காயம், இஞ்சி பூண்டு விழுது போன்றவற்றை சேர்த்து பச்சை வாசனை விலகும் வரை நன்றாக வதக்கி கொள்ளவும்.

நன்கு வதங்கிய பிறகு எல்லா விதமான மசாலா பொருள்கள், அரைத்த முந்திரி, பாதாம் பேஸ்ட் ஆகியவை சேர்த்து கிளறி விடவும். அடுத்து அதில் தேவையான நீர் சேர்த்து பனீரை போட்டு மிதமான சூட்டில் 15-20 நிமிடம் வேக வைக்கவும்.

கடைசியில் உலர்ந்த வெந்தய கீரை மற்றும் க்ரீமை சேர்த்து கிளறி இறக்கினால் சூடான மலாய் பனீர் ரெடி.