குழந்தைகளுக்கு மிகவும் பிடித்த மாம்பழ பால் தயாரிப்பது எப்படி?

உங்களுக்குப் விருப்பமான மாம்பழங்களை வாங்கி, சூப்பரான மாம்பழ பால் தயாரிப்பது எப்படி என்று பார்க்கலாம். இது குழந்தைகளுக்கு மிகவும் பிடிக்கும்.

தேவையான பொருட்கள்
பால் - 1 லிட்டர்
சர்க்கரை - தேவையான அளவு
பைனாப்பிள் எசன்ஸ் - 1 டீஸ்பூன்
நன்கு கனிந்த மாம்பழம் - 2

செய்முறை
மாம்பழத்தை தோல் நீக்கி பொடியாக நறுக்கி கொள்ளவும். பாலை நன்றாக கொதிக்க வைத்து பால் அரை லிட்டராக சுண்டியதும் இதில் சர்க்கரையை சேர்த்து நன்றாக கலக்கவும். அடுத்து அதில் பைனாப்பிள் எசன்ஸ் சேர்த்து நன்றாக கலக்கவும். அடுத்து அதில் பொடியாக நறுக்கிய மாம்பழத்தை கலந்து பிரிட்ஜில் 2 மணி நேரம் வைத்திருந்து பரிமாறவும். சூப்பரான மாம்பழ பால் தயார்.