குழந்தைகளுக்கு மிகவும் பிடித்த ரிச் சாக்லெட் கேக் செய்வது எப்படி?

கேக் என்றால் குழந்தைகளுக்கு மிகவும் பிடிக்கும். இன்று நாம் சுவையான சாக்லெட் கேக் செய்வது எப்படி என்று பார்க்கலாம்.

தேவையான பொருட்கள்
2 கப் மைதா
2/3 கப் கோக்கோ பவுடர்
1 தேக்கரண்டி பேக்கிங் பவுடர்
1 தேக்கரண்டி பேக்கிங் சோடா
1/2 தேக்கரண்டி உப்பு
3/4 கப் வெண்ணெய், அடித்தது
1 3/4 கப் பொடித்த சர்க்கரை
2 தேக்கரண்டி வெணிலா எக்ஸ்ட்ராக்ட்
1 பெரிய முட்டை
1 கப் சூடான நீர்

செய்முறை
மாவு, கோக்கோ பவுடர், பேக்கிங் பவுடர் மற்றும் பேக்கிங் சோடா, உப்பு ஆகியவற்றை ஒன்றாக ஒரு பாத்திரத்தில் சேர்க்கவும். வெண்ணெய்யை நன்கு அடித்து, சர்க்கரை, வெணிலா எக்ஸ்ட்ராக் ஆகியவற்றை ஒரு பெரிய பாத்திரத்தில் சேர்த்து, கிரீம் பதத்திற்கு வரும் வரை நன்கு கலக்கவும். முட்டையைச் சேர்த்து, அதன் பிறகு மீண்டும் அடித்து கலக்கவும்.

மாவு கலவையை மெதுவாக சேர்த்து, தொடர்ந்து அடித்துக் கலக்கவும், தேவையான பதம் கிடைக்க அவ்வப்போது சுடுநீரைச் சேர்க்கவும். தனித்தனி பாத்திரத்தில் பரப்பி வைக்கவும். சுமார் 25 முதல் 35 நிமிடங்களுக்கு அல்லது மரக்குச்சியை நுழைத்து எடுக்கும்போது, ஒட்டாமல் வரும் வரைக்கும் பேக் செய்யவும். 15 நிமிடங்களுக்கு குளிர வைக்கவும்.

முழுமையாக ஆறிய பிறகுதான் ரிச் சாக்லெட் கேக் சரியான பதத்தில் இருக்கும். ஆறிவிட்டதை உறுதி செய்வதற்காக திருப்பி வைத்து சிறிது நேரம் வைத்திருக்கவும். இதோ யம்மியான கேக் தயார்.