சுவை மிகுந்த இனிப்பு பரத்தா ரோல்ஸ் செய்வது எப்படி?

உடலுக்கு நன்மை தரக்கூடிய வெல்லம் வைத்து சுவை மிகுந்த இனிப்பு பரத்தா ரோல்ஸ் செய்வது எப்படி என்று பார்க்கலாம்.

தேவையான பொருட்கள்
கோதுமை மாவில் செய்த பராத்தாக்கள் 4
துருவிய தேங்காய் அல்லது நொறுக்கிய பன்னீர் 100 கிராம்
வெல்லம் அல்லது பனை வெல்லம் 100 கிராம்
ஏலக்காய் பொடி ஒரு சிட்டிகை

செய்முறை
தவாவை சூடாக்கி, பராத்தாவை மிதமான சூட்டில் சமைக்கத் தொடங்கவும். ஒரு பக்கம் நன்றாக சமைக்கப்பட்டவுடன், திருப்பி போட்டு, அதன் மேல் நீங்கள் விரும்பிய பொருட்களை வெல்லத்துடன் சேர்த்து போடவும். மீண்டும் திருப்பி, மற்ற பக்கம் வேக விடவும். வெல்லம் உருகத் தொடங்கி, அதனுடன் மற்ற பொருட்களையும் வேக வைக்கவும்.

2 முதல் 3 நிமிடங்கள் வேக விடவும். வெல்லம் உருகியவுடன் ஈரப்பதம் உருவாகும். இந்தக் கலவை, திக்கான ஒட்டும் தன்மையுடையதாக மாறும் வரை சமைக்கவும். திருப்பி போடும்போது, கலவை ஒழுகும் தன்மை கொண்ட தாக மாறுவதைப் பார்க்கலாம். அதை ஒரு சீராகப் பரப்பி விடவும். வெளிப்புறத்தை குறைந்த தீயில், ஒன்றிரண்டு நிமிடங்கள் வேக வைக்கவும். வெளிப்புறமும் கொஞ்சம் வெல்லத்தைத் தூவி, வறுத்தால், மொறுமொறுப்பான வெளிப்புறம் கிடைக்கும். அதை உருட்டிப் பரிமாறவும்.