குழந்தைகளுக்கு மிகவும் பிடித்தமான சாக்லேட் பால்ஸ் செய்முறை

சென்னை: குழந்தைகளுக்கு சாக்லேட் என்றால் மிகவும் விருப்பம். அதிலும் சாக்லேட் பால்ஸ் அனைவரும் விரும்பி சாப்பிடக்கூடிய ஒரு ரிச்சான ரெசிபி. அளவான பொருட்களை வைத்து அதிரடியாக செய்யக்கூடிய ரெசிபி இது. இதை எளிமையாக செய்வது பற்றி தெரிந்து கொள்ளுங்கள். தேவையான பொருட்கள்: கோகோ பவுடர் - 25 கிராம், கன்டென்ஸ்டு மில்க் - கால் கப், பட்டர் - ஒரு ஸ்பூன், உப்பு - சிறிது, சாக்லேட் பால்களை உருட்ட தேங்காய்த்துருவல் - 2 ஸ்பூன் (உலர வைத்தது). பருப்பு துகள்கள் சாக்லேட் மற்றும் கலர் ஸ்பிரிங்கில்ஸ்.

செய்முறை: ஒரு பிளேட்டில் சிறிது வெண்ணெய்யை தடவி வைக்கவும். இன்னொரு பாத்திரத்தில் கன்டென்ஸ்டு மில்க், வெண்ணெய், உப்பு, கோகோ பவுடர் அனைத்தையும் ஒன்றாக கலந்து சூடுபடுத்தவும். மிதமான தீயில் கலவையைக் கலந்து பாகும் வரும் வரை கிளறிக் கொண்டே இருக்கவும். இரண்டு நிமிடத்தில் கலவை கட்டியானதும் வெண்ணெய் பூசப்பட்ட தட்டில் மேல் ஊற்றவும். சிறிது ஆற வைத்து இந்த பிளேடை பிரிட்ஜில் வைக்கவும். ஒரு மணி நேரம் கழித்து ஃப்ரிட்ஜில் இருந்து வெளியே எடுத்து கையில் வெண்ணெயை தடவி இந்த சாக்லேட் கலவையை உருண்டைகளாக உருட்டவும். இந்த உருண்டையை ஸ்ப்ரிங்கில்ஸ், பருப்பு துகள்கள் மீது உருட்டி எடுத்தால் சுவையான சாக்லேட்ஃபட்ஜ் பால்ஸ் தயார். இதை குழந்தைகள் விரும்பி சாப்பிடுவார்கள். பெரியவர்களும் சாப்பிடலாம். அருமையான ருசியுடன் இருக்கும்.