கேடிஎம் மற்றும் ஹஸ்க்வர்னா மோட்டார்சைக்கிள் மாடல்களின் விலை அதிரடி உயர்வு

கேடிஎம் மற்றும் ஹஸ்க்வர்னா மோட்டார்சைக்கிள் மாடல்களின் விலை இந்தியாவில் உயர்த்தப்பட்டிருக்கிறது. இரு நிறுவன மாடல்களின் விலையும் முறையே ரூ. 1200 மற்றும் ரூ. 8500 வரை உயர்த்தப்பட்டிருக்கிறது. கேடிஎம் 125 டியூக் மற்றும் கேடிஎம் 250 அட்வென்ச்சர் மாடல்களின் விலையில் எந்த மாற்றமும் செய்யப்படவில்லை.

கேடிஎம் ஆர்சி 125 மாடல் விலையில் ரூ. 1279 உயர்த்தப்பட்டு தற்சமயம் ரூ. 1.61 லட்சம், எக்ஸ்-ஷோரூம் என மாற்றப்பட்டு இருக்கிறது. கேடிஎம் 390 டியூக் மாடலின் விலை ரூ. 8,517 உயர்த்தப்பட்டு தற்சமயம் ரூ. 2.66 லட்சம், எக்ஸ்-ஷோரூம் என மாறி இருக்கிறது.

கேடிஎம் டியூக் 250 மாடலின் விலை ரூ. 4738 வரை உயர்த்தப்பட்டு ரூ. 2.14 லட்சம், எக்ஸ்-ஷோரூம் என மாறி இருக்கிறது. ஆர்சி 390 மாடல் விலை ரூ. 3539 அதிகரித்து தற்சமயம் ரூ. 2.56 லட்சம், எக்ஸ்-ஷோரூம் என நிர்ணயம் செய்யப்பட்டு உள்ளது.

ஹஸ்க்வர்னா ஸ்வார்ட்பிளேன் 250 மற்றும் விட்பிளேன் 250 மாடல்களின் விலை ரூ. 1790 வரை அதிகரிக்கப்பட்டு உள்ளது. இவற்றின் விலை தற்சமயம் ரூ. 1.86 லட்சம், எக்ஸ்-ஷோரூம் முதல் துவங்குகிறது.