பிஎஸ்என்எல் நிறுவனத்தின் புதிய வொர்க் பிரம் ஹோம் சலுகை அறிவிப்பு

கொரோனா வைரஸ் ஊரடங்கு அறிவிக்கப்பட்டது முதல் பல்வேறு நிறுவனங்களும் வொர்க் பிரம் ஹோம் சலுகையை அறிவித்து வருகின்றன. இதுதவிர, வீட்டில் இருந்து பணியாற்றுவோரின் டேட்டா பயன்பாடு அதிகரித்து உள்ளது. தற்போது பிஎஸ்என்எல் நிறுவனம் புதிய வொர்க் பிரம் ஹோம் சலுகையை அறிவித்துள்ளது.

பிஎஸ்என்எல் புதிய வொர்க் பிரம் ஹோம் சலுகை ரூ. 251 விலையில் அறிவிக்கப்பட்டு இருக்கிறது. புதிய சலுகையில் 70 ஜிபி டேட்டா 28 நாட்களுக்கு வழங்கப்படுகிறது. இந்த சலுகையுடன் சிங் மியூசிக் செயலியும் அறிமுகம் செய்யப்பட்டு இருக்கிறது.

இதற்கு முன்னதாக பிஎஸ்என்எல் ரூ. 56 மற்றும் ரூ. 151 விலையில் இரண்டு சலுகைகளை வொர்க் ஃபிரம் ஹோம் பிரிவில் வழங்கி வருகிறது. இதில் ரூ. 56 பிஎஸ்என்எல் சலுகையில் 10 ஜிபி டேட்டாவும், ரூ. 151 பிஎஸ்என்எல் சலுகையில் 40 ஜிபி டேட்டாவும் வழங்கப்படுகிறது.

பிஎஸ்என்எல் மட்டுமின்றி ரிலையன்ஸ் ஜியோ, ஏர்டெல் மற்றும் வி என தனியார் தொலைத்தொடர்பு நிறுவனங்களும் வொர்க் ஃபிரம் ஹோம் சலுகைகளை வழங்கி வருகின்றன. இவற்றின் விலை ரூ. 151 முதல் துவங்குகிறது.