கூகுள் நிறுவன ஸ்மார்ட் ஸ்பீக்கர்களை குறைந்த விலையில் வழங்கும் பிஎஸ்என்எல்

கூகுள் நிறுவனத்தின் ஸ்மார்ட் ஸ்பீக்கர் சாதனங்களை பிஎஸ்என்எல் குறைந்த விலையில் வழங்குகிறது. பிஎஸ்என்எல் நிறுவன பாரத் பைபர் பயனர்களுக்கு அசத்தல் சலுகை அறிவிக்கப்பட்டு இருக்கிறது. அதன்படி பாரத் பைபர் பயனர்கள் கூகுள் நெஸ்ட் மினி மற்றும் கூகுள் நெஸ்ட் ஹப் ஸ்மார்ட் ஸ்பீக்கர்களை முறையே ரூ. 99 மற்றும் ரூ. 199 மாத கட்டணத்தில் வாங்கிக் கொள்ளலாம்.

மேலும், மேம்பட்ட பாரத் பைபர் சலுகையினை பயனர்கள் 12 மாதங்கள், 24 மாதங்கள் மற்றும் 36 மாதங்களுக்கு இண்டர்நெட் பேக் தேர்வு செய்யும் போது முறையே 10.5 மாதங்கள், 20.5 மாதங்கள் மற்றும் 30.5 மாதங்களுக்கான கட்டணத்தை செலுத்தினாலே போதுமானது.

கூகுள் நெஸ்ட் ஹப் வாங்குவோர் மாதம் ரூ. 199 கட்டணத்தை 12 மாதங்களுக்கு செலுத்த வேண்டும். புதிய பிஎஸ்என்எல் சலுகை அந்நிறுவன வலைதளத்தில் அப்டேட் செய்யப்பட்டு இருக்கிறது. இந்தியாவில் தற்சமயம் கூகுள் நெஸ்ட் ஹப் விலை ரூ. 9,999 என்றும் கூகுள் நெஸ்ட் மினி விலை ரூ. 4,999 என நிர்ணயம் செய்யப்பட்டுள்ளது.

இந்த சலுகை விளம்பர நோக்கில் அறிவிக்கப்பட்டுள்ளது. மேலும் இந்த சலுகை மார்ச் 31, 2021 வரை மட்டுமே வழங்கப்படுகிறது. இதனை பயனர்கள் பிஎஸ்என்எல் அதிகாரப்பூர்வ வலைதளம் சென்று ரீசார்ஜ் செய்து கொள்ளலாம். இது பிஎஸ்என்எல் வாடிக்கையாளர்களுக்கு மகிழ்ச்சியை ஏற்படுத்தியுள்ளது.