முட்டை விலை தொடர் சரிவு

சென்னை: முட்டை ஒன்றின் பண்ணைக் கொள்முதல் விலையான ரூ.5.30 லிருந்து 20 காசுகள் குறைத்து ரூ. 5.10 ஆக விலை நிர்ணயம் செய்யப்பட்டு உள்ளதாக நாமக்கல் மண்டல தேசிய முட்டை ஒருங்கிணைப்பு குழு நேற்று (22-11-2023) மாலை அறிவித்து உள்ளது. இந்த விலை நாளை (23-11-2023) காலை முதல் அமலுக்கு வருகிறது.

தற்போது சபரிமலை சீசன் காரணமாக முட்டையின் நுகர்வும் , விற்பனையும் குறைந்து உள்ளது.மேலுக்கும் பிற மண்டலங்களிலும் முட்டை விலை குறைந்து கொண்டே வருகிறது.இதுவே விலை குறைவுக்கு காரணம் என்கின்றனர் பண்ணையாளர்கள். கடந்த 2 நாட்களில் முட்டை விலை 40 காசுகள் குறைந்துள்ளது.

தமிழகத்தின் முட்டை உற்பத்தி கேந்திரமாக விளங்கும் நாமக்கல் மாவட்டத்தில் 1,100 க்கு மேற்பட்ட கோழிப் பண்ணைகள் உள்ளன. இவற்றின் மூலம் நாள்தோறும் 5 கோடி முட்டைகள் உற்பத்தியாகின்றன.

இதையடுத்து மொத்த உற்பத்தியில் 40 சதவீத முட்டைகள் கேரள மாநிலத்திற்கும், தமிழக அரசின் சத்துணவுத் திட்டத்திற்கு போக மீதம் உள்ள முட்டைகள் தமிழகத்தின் பிற பகுதிகளுக்கு விற்பனைக்கு அனுப்பபட்டு வருகிறது.