வணிக பயன்பாட்டுக்கான சிலிண்டர் விலை உயர்வு

சென்னை: வணிக பயன்பாட்டுக்கான சிலிண்டர் விலை 203 ரூபாய் உயர்ந்து சிலிண்டரின் விலை 1898 ரூபாய்க்கு விற்பனை ... ஒவ்வொரு மாதமும் முதல் நாளில் வணிக பயன்பாட்டு சிலிண்டரின் விலை மாற்றி அமைக்கப்பட்டு வருகிறது.

அதன்படி கடந்த செப்டம்பர் மாதத்தில் விலை குறைக்கப்பட்ட நிலையில், இம்மாதத்தில் விலை உயர்ந்துள்ளது. கடந்த செப்டம்பர் மாதம் வணிக பயன்பாட்டு சிலிண்டரின் விலை 158 ரூபாய் குறைந்து 1695 க்கு விற்பனை செய்யப்பட்டு வந்தது. விலை குறைந்ததால் உணவக உரிமையாளர்கள் மகிழ்ச்சி அடைந்தனர்.

இந்நிலையில், அக்டோபர் மாதத்தின் முதல் நாளான இன்று வணிக பயன்பாட்டு சிலிண்டரின் விலை உயர்ந்து உள்ளது. வணிக பயன்பாட்டுக்கான சிலிண்டர் விலை 203 ரூபாய் அதிகரித்து ஒரு சிலிண்டர் 1898 ரூபாய்க்கு விற்பனை செய்யப்பட்டு வருகிறது.

இதையடுத்து இந்த திடீர் விலை உயர்வு உணவகங்கள் மற்றும் ஹோட்டல் உரிமையாளர்களை பெரும் அதிர்ச்சியில் ஆழ்த்தியுள்ளது. சிலிண்டர் விலை உயர்வு காரணமாக உணவகங்களில் உணவு பொருட்களின் விலை அதிகரிக்கலாம் என்று கூறப்படுகிறது.