படையப்பா படத்தில் நீலாம்பரியாக முதலில் நடிக்க இருந்தவர் இவரா?

சென்னை : மீனாவின் கண்கள் குழந்தை தனமாக இருந்ததால் படையப்பா படத்தில் அவர் வேண்டாம் என்று முடிவு செய்தார்களாம்.

கே.எஸ்.ரவிக்குமார் இயக்கத்தில், சூப்பர் ஸ்டார் ரஜினிகாந்த், சிவாஜி கணேசன், சௌந்தர்யா, செந்தில், ரம்யாகிருஷ்ணன் மற்றும் பலர் நடிப்பில் 1999-ம் ஆண்டு வெளியான படம் படையப்பா. படையப்பா படம் என்றாலே பலருக்கும் நினைவுக்கு வருவது நீலாம்பரி கதாபாத்திரம்தான்.

அந்த அளவுக்கு இந்த கேரக்டர் ரொம்ப கர்வமும், கோபமும் கொண்டவர், தான் நினைத்ததை சாதிக்க எந்த எல்லைக்கும் செல்லும். அத்தகைய கதாபாத்திரத்திற்கு நடிகை ரம்யா கிருஷ்ணன் கச்சிதமாக இருந்திருப்பார்.

ஆனால் இந்த வேடத்தில் முதலில் நடிகை மீனாவை நடிக்க வைக்குமாறு இயக்குனர் கே.எஸ்.ரவிக்குமாரிடம் சூப்பர் ஸ்டார் ரஜினிகாந்த் கேட்டுக் கொண்டார். அப்போது, ​​1999ல், மீனா, சிரஞ்சீவி நடித்த ஸ்ரேயம் கோசம் என்ற தெலுங்கு படத்தை கே.எஸ்.ரவிக்குமார் இயக்கினார்.

இப்படம் தமிழில் சிம்ரன் சரத்குமார் மற்றும் பலர் நடித்த நட்புகாக படத்தின் ரீமேக் ஆகும். படத்தில் நடிகை மீனா வில்லியாக நடிக்கும் காட்சிகள் அனைத்திலும் அவரது கண்கள் குழந்தைத்தனமாக இருந்தது. இதைப் பார்த்த கே.எஸ்.ரவிக்குமார், உடனே ரஜினிகாந்திடம் சென்று, படத்தில் நீலாம்பரி வேடத்துக்கு மீனாவை செட் ஆகாது என்று சொல்லிவிட்டார். அதன் பிறகுதான் நடிகை ரம்யா கிருஷ்ணன் படத்தில் நீலாம்பரி வேடத்தில் நடிக்க ஒப்பந்தம் செய்யப்பட்டார்.

சூப்பர் ஸ்டார் ரஜினிகாந்த் படத்தின் கதையைக் கேட்டபோதெல்லாம், நீலாம்பரி கேரக்டருக்கான காட்சிகளை இன்னும் மெருகூட்டச் சொன்னார்.அதில், நடிகை சௌந்தர்யாவின் கன்னத்தில் ரம்யா கிருஷ்ணன் கால் வைத்து திருப்பும் காட்சிகள் அனைத்தும் ரஜினிகாந்த் அமைத்த காட்சிகள் என கே.எஸ்.ரவிக்குமார் கூறியுள்ளார்.

அந்த காட்சியை ரம்யா கிருஷ்ணன் மிரட்டியிருப்பார். படையப்பா வேடத்தில் நடித்த ரஜினிகாந்தை விட நீலாம்பரி வேடத்தில் நடித்த ரம்யா கிருஷ்ணன் தான் இன்று வரை பேசப்படும் கதாபாத்திரம்.