இன்று சிலிண்டர் விலை உயர்வு ... பெட்ரோல், டீசல் விலையில் மாற்றமா?

சென்னை: இன்று சிலிண்டர் விலை அதிகரிக்கப்பட்ட நிலையில் பெட்ரோல் டீசல் விலையில் எந்த விதமான மாற்றமும் இல்லை என்றும் நேற்றைய விலையில் தான் இன்றும் விற்கப்படும் என்றும் எண்ணெய் நிறுவனங்கள் அறிவித்துள்ளன.

கடந்த சில வாரங்களாகவே சர்வதேச சந்தையில் கச்சா எண்ணெய் விலை ஏற்ற இறக்கத்துடன் இருந்து வரும் நிலையில் 280 நாட்களாக பெட்ரோல் மற்றும் டீசல் விலையில் மாற்றம் இல்லை என்பதை பார்த்து வருகிறோம்.

இந்நிலையில் 284 வது நாளாக இன்றும் பெட்ரோல் மற்றும் டீசல் விலையில் மாற்றம் இல்லை என்று எண்ணெய் நிறுவனங்கள் அறிவித்துள்ளன. இதனால் சென்னையில் ஒரு லிட்டர் பெட்ரோல் விலை ரூபாய் 102.63 எனவும் சென்னையில் இன்று ஒரு லிட்டர் டீசல் விலை 94.24 விற்பனையாகி வருகிறது.

ஆனால் சென்னையில் வீட்டு உபயோவதற்கான சமையல் எரிவாயு சிலிண்டர் விலை ரூபாய் 50ம் வணிக பயன்பாட்டிற்கான எரிவாயு சிலிண்டர் விலை ரூபாய் 223 என உயர்த்தப்பட்டாலும் பெட்ரோல் மற்றும் டீசல் விலையில் மாற்றம் இல்லை என்பது பொது மக்களுக்கு சற்று நிம்மதியை அளித்துள்ளது.