- வீடு›
- வணிகம் or வர்த்தகம்›
- அக்டோபர் மாதம் அறிமுகம் ஆகிறது ஒன்பிளஸ் 8 டி ஸ்மார்ட்போன்
அக்டோபர் மாதம் அறிமுகம் ஆகிறது ஒன்பிளஸ் 8 டி ஸ்மார்ட்போன்
By: Nagaraj Mon, 21 Sept 2020 8:12:56 PM
வருகிற அக்டோபர் 14 ஆம் தேதி ஒன்பிளஸ் 8 டி ஸ்மார்ட்போன் அறிமுகம் ஆகலாம் என்கிற தகவல் வெளியாகியுள்ளது. அதில் என்னென்ன அம்சங்கள் இருக்கும் என்பதை தெரிந்து கொள்ளுங்கள்.
சீன ஸ்மார்ட்போன் நிறுவனமான ஒன்பிளஸ் நிறுவனம் அதன் அடுத்த தலைமுறை ஸ்மார்ட்போன்களை வெளியிட தயாராகி வருகிறது. அதாங்க - ஒன்ப்ளஸ் 8டி மாடல்கள். இது சார்ந்த அதிகாரப்பூர்வமான அறிவிப்புகள் எதுவும் வெளியாகவில்லை என்றாலும் கூட, இது சார்ந்த லீக்ஸ் தகவல்கள் அவ்வப்போது வெளியான வண்ணம் உள்ளது.
இப்போது பயனர் இஷான் அகர்வாலின் புதிய ட்வீட் ஆனது ஒன்பிளஸ் 8 டி ஸ்மார்ட்போனின் வெளியீடு வருகிற அக்டோபர் 14 ஆம் தேதி நடைபெறும் என்று சுட்டிக்காட்டியுள்ளது.
ஒன்பிளஸ் 8 டி தொடரைப் பற்றிய பல லீக்ஸ் தகவல்கள் ஏற்கனவே வெளியாகத் தொடங்கி விட்ட நிலையில் தற்போது அறிமுக தேதி சார்ந்த தகவலும் வெளியாகி விட்டதால், ஒன்பிளஸ் 8 டி தொடர் ஸ்மார்ட்போன்களின் இருப்பை உறுதிப்படுத்திக் கொள்ள முடிகிறது.
ஒன்பிளஸ் 8டி ஸ்மார்ட்போனில் எதிர்பார்க்கப்படும் அம்சங்கள்: கபாப் என்கிற குறியீட்டு பெயருடன் செயல்படுவதாக என்று கருதப்படும் இந்த புதிய ஒன்பிளஸ் ஸ்மார்ட்போன் 120 ஹெர்ட்ஸ் டிஸ்பிளேவை கொண்டிருக்கும் என்று எதிர்பார்க்கப்படுகிறது. மேலும் ஒன்பிளஸ் 8 டி ஸ்மார்ட்போனில் குவாட் ரியர் கேமரா அமைப்பையும் நாம் எதிர்பார்க்கலாம்.
அதில் 48 மெகாபிக்சல் முதன்மை கேமரா இடம்பெற அதிக வாய்ப்புள்ளது. இது
தவிர்த்து ஒன்பிளஸ் நிறுவனத்தின் இந்த புதிய ஸ்மார்ட்போன் பற்றிய வேறு எந்த
விவரங்களும் வெளியாகவில்லை.
முன்னதாக வெளியான ஆண்ட்ராய்டு
சென்ட்ரல் அறிக்கையானது, ஒன்பிளஸ் 8டி ஸ்மார்ட்போன் ஆனது 120 ஹெர்ட்ஸ்
அமோலேட் டிஸ்ப்ளேவுடன் வரக்கூடும் என்று தெரிவிக்கிறது. இது ஒன்பிளஸ் 8
ஸ்மார்ட்போன போல் இருக்காது, அதாவது 90 ஹெர்ட்ஸ் ரெஃப்ரெஷ் ரேட் உடன்
வராது. ஆனால் ஒன்பிளஸ் 8 ப்ரோவுடன் ஒத்துப்போகிறது, ஏனெனில் அது 120
ஹெர்ட்ஸ் பேனலை கொண்டுள்ளது.
கேமராக்களை பொறுத்தவரை, ஒன்பிளஸ் 8டி
ஸ்மார்ட்போனில் ஒரு குவாட் ரியர் கேமரா அமைப்பு இடம்பெறும். அதில் 48
மெகாபிக்சல் முதன்மை சென்சார் + 16 மெகாபிக்சல் வைட் ஆங்கிள் கேமரா
இருக்கும். இந்த கேமரா அமைப்பில் மேக்ரோ லென்ஸுடன் 5 மெகாபிக்சல் சென்சார்
மற்றும் போர்ட்ரெயிட் லென்ஸுடன் 2 மெகாபிக்சல் சென்சார் இருக்கும் என்றும்
எதிர்பார்க்கப்படுகிறது.
கேமரா அமைப்பில் உள்ள 48 மெகாபிக்சல்
சென்சார் ஆனது ஒன்பிளஸ் 8 ஸ்மார்ட்போனில் உள்ள அதே சென்சாராகவே தெரிகிறது.
இருப்பினும், முந்தைய ஸ்மார்ட்போனில் இடம்பெற்றதை விட ஒன்பிளஸ் 8 டி புதிய
இமேஜிங் சென்சாருடன் வரும் என்றும் ஆண்ட்ராய்டு சென்ட்ரலின் அறிக்கை
கூறுகிறது.