- வீடு›
- வணிகம் or வர்த்தகம்›
- பெட்ரோல், டீசல் விலை நிலவரம்
பெட்ரோல், டீசல் விலை நிலவரம்
By: Monisha Fri, 25 Sept 2020 10:02:01 AM
சர்வதேச சந்தையில் நிலவும் கச்சா எண்ணெய் விலைக்கேற்ப இந்தியாவில் பெட்ரோல், டீசல் விலையை எண்ணெய் நிறுவனங்கள் நிர்ணயித்துக்கொள்கின்றன. அந்த வகையில், பெட்ரோல், டீசல் விலை தினந்தோறும் நிர்ணயிக்கும் நடைமுறை எண்ணெய் நிறுவனங்களால் கடைபிடிக்கப்பட்டு வருகிறது.
நாடு முழுவதும், கொரோனா பரவலை தடுக்க, மார்ச் இறுதியில், ஊரடங்கு அமல்படுத்தப்பட்டது. இதனால், மே வரை, பெட்ரோல், டீசல் விலையில் எந்த மாறுதலும் செய்யாமல் இருந்த பொதுத்துறை எண்ணெய் நிறுவனங்கள், ஜூன் முதல் அவற்றின் விலையை உயர்த்தி வருகின்றன.
சென்னையில் நேற்று பெட்ரோல் லிட்டர் 84.14 ரூபாய், டீசல் லிட்டர் 76.72 ரூபாய் என விலை நிர்ணயம் செய்யப்பட்டது. இந்நிலையில், சென்னையில் இன்று பெட்ரோல் விலையில் எந்த மாற்றமும் இன்றி விற்பனையாகிறது.
பெட்ரோல் லிட்டருக்கு ரூ.84.14 காசுக்கும், டீசல் நேற்றைய விலையிலிருந்து 17 பைசா விலை குறைந்து லிட்டருக்கு ரூ.76.55 க்கும் விற்பனை செய்யப்படுகிறது. இந்த விலை குறைப்பு இன்று காலை 6 மணி முதல் அமலுக்கு வந்தது.