பெட்ரோல், டீசல் விலை அதிரடி குறைப்பு..

மகாராஷ்டிரா மாநில மக்களுக்கு ஜாக்பாட் அறிவிப்பாக பெட்ரோல், டீசல் விலையை குறைத்து அந்த மாநில அரசு அதிரடியாக உத்தரவிட்டுள்ளது. அங்கு பெட்ரோல் லிட்டருக்கு ரூ 5, டீசல் ரூ. 3 குறைக்கப்பட்டுள்ளது. மகாராஷ்டிர மாநிலத்தில் அண்மையி்ல் நிகழ்ந்த அதிரடி அரசியல் திருப்பதால், உத்தவ் தாக்கரே தமது முதல்வர் பதவியை ராஜினாமா செய்தார்.

அவருக்கு பதிலாக சிவசேனா அதிருப்தி எம்எல்ஏக்களை அணி திரட்டிய ஏக்நாத் ஷிண்டே, பாஜகவின் ஆதரவுடன் தற்போது முதல்வர் நாற்காலியில் அமர்ந்துள்ளார்.

புதிய அரசு பொறுப்பேற்றதன் அடையாளமாக,மகாராஷ்டிரா மக்களுக்கு ஜாக்பாட் அறிவிப்பு ஒன்றை அந்த மாநில அரசு வெளியிட்டுள்ளது.

இதன்படி, மகாராஷ்டிராவில் பெட்ரோல் விலை லிட்டருக்கு 5 ரூபாயும், டீசல் விலை 3 ரூபாயும் குறைத்து முதல்வர் ஏக்நாத் ஷிண்டே உத்தரவிட்டுள்ளார். இந்த விலை குறைப்பு இன்று நள்ளிரவு முதல் அமலுக்கு வரும் என தெரிகிறது.மகாராஷ்டிரா மாநிலத்தில் இன்று காலை நிலவரப்படி, ஒரு லிட்டர் பெட்ரோல் 111.35 ரூபாய்க்கும், டீசல் 97.28 ரூபாய்க்கு விற்பனை செய்யப்பட்டு வருகிறது.