ரெனால்ட் இந்தியா நிறுவனம் தனது கார்களுக்கு சிறப்பு சலுகை அறிவிப்பு

ரெனால்ட் இந்தியா நிறுவனம் தனது கார்களுக்கு சிறப்பு சலுகை, தள்ளுபடி மற்றும் பலன்களை அறிவித்து உள்ளது. இந்த சலுகை க்விட், டிரைபர் மற்றும் டஸ்டர் மாடல்களுக்கு பொருந்தும். ரெனால்ட் நிறுவனத்தின் மூன்று மாடல்களுக்கும் ரூ. 60 ஆயிரம் வரையிலான சலுகைகள் வழங்கப்படுகின்றன.

என்ட்ரி லெவல் க்விட் மாடலுக்கு ரூ. 35 ஆயிரம் மதிப்புள்ள பலன்கள் வழங்கப்படுகின்றன. இவற்றில் ரூ. 10 ஆயிரம் தள்ளுபடி மற்றும் ரூ. 15 ஆயிரம் எக்சேன்ஜ் சலுகை, ரூ. 4 ஆயிரத்திற்கு கார்ப்பரேட் சலுகை மற்றும் ரூ. 4 ஆயிரம் கூடுதல் சலுகை உள்ளிட்டவை அடங்கும். கூடுதல் சலுகை ஊரக பகுதிகளில் வசிக்கும் வாடிக்கையாளர்களுக்கு மட்டும் வழங்கப்படுகிறது.

ரெனால்ட் டஸ்டர் மாடலுக்கு அதிகபட்சமாக ரூ. 60 ஆயிரம் மதிப்புள்ள பலன்கள் வழங்கப்படுகின்றன. இவற்றில் ரூ. 15 ஆயிரம் தள்ளுபடி, ரூ. 25 ஆயிரத்திற்கு எக்சேன்ஜ் பலன்கள், ரூ. 20 ஆயிரத்திற்கு லாயல்டி பலன்கள், ரூ. 20 ஆயிரத்திற்கு கார்ப்பரேட் சலுகை மற்றும் ரூ. 10 ஆயிரத்திற்கு ஊரக பலன்கள் வழங்கப்படுகிறது.

ரெனால்ட் டிரைபர் எம்பிவி மாடலுக்கு ரூ. 30 ஆயிரம் மதிப்புள்ள சலுகைகள் வழங்கப்படுகின்றன. இவற்றில் ரூ. 20 ஆயிரம் எக்சேன்ஜ் சலுகை, ரூ. 10 ஆயிரத்திற்கு லாயல்டி பலன்களும், ரூ. 7 ஆயிரத்திற்கு கார்ப்பரேட் சலுகை மற்றும் ரூ. 10 ஆயிரம் சலுகை ஊரக பகுதிகளில் வசிக்கும் வாடிக்கையாளர்களுக்கு மட்டும் வழங்கப்படுகிறது.