சாம்சங் நிறுவனத்தின் கேலக்ஸி ஏ31 ஸ்மார்ட்போன் விலை குறைப்பு

சாம்சங் நிறுவனத்தின் கேலக்ஸி ஏ31 ஸ்மார்ட்போன் இந்திய சந்தையில் கடந்த மாதம் அறிமுகம் செய்யப்பட்டது. இந்நிலையில், இந்தியாவில் அறிமுகமான ஒரே மாதத்திற்குள் கேலக்ஸி ஏ31 ஸ்மார்ட்போனின் விலை இந்தியாவில் குறைக்கப்பட்டு இருக்கிறது.

சாம்சங் கேலக்ஸி ஏ31 ஸ்மார்ட்போன் 6 ஜிபி ரேம், 128 ஜிபி மெமரி எனும் ஒற்றை வேரியண்ட்டில் கிடைக்கிறது. இந்தியாவில் ரூ. 21999 விலையில் அறிமுகமான கேலக்ஸி ஏ31 தற்சமயம் ரூ. 1000 விலை குறைக்கப்பட்டுள்ளது. இதனால் கேலக்ஸி ஏ31 ஸ்மார்ட்போன் ரூ. 20999 விலையில் விற்பனை செய்யப்படுகிறது.

புதிய விலை அமேசான், சாம்சங் இந்தியா அதிகாரப்பூர்வ வலைதளத்தில் மாற்றப்பட்டு விட்டது. கேலக்ஸி ஏ31 ஸ்மார்ட்போனில் 6.4 இன்ச் ஃபுல் ஹெச்டி பிளஸ் இன்ஃபினிட்டி யு சூப்பர் AMOLED டிஸ்ப்ளே, ஆக்டாகோர் மீடியாடெக் ஹீலியோ பி65 பிராசஸர், 6 ஜிபி ரேம் வழங்கப்பட்டுள்ளது.

புகைப்படங்களை எடுக்க 48 எம்பி பிரைமரி கேமரா, 8 எம்பி 123° அல்ட்ரா வைடு ஆங்கில் கேமரா, 5 எம்பி டெப்த் சென்சார், 5 எம்பி மேக்ரோ கேமரா, 20 எம்பி செல்ஃபி கேமரா வழங்கப்பட்டுள்ளது.

சாம்சங் கேலக்ஸி ஏ31 ஸ்மார்ட்போன் ப்ரிசம் கிரஷ் பிளாக், ப்ரிசம் கிரஷ் புளூ, ப்ரிசம் கிரஷ் ரெட் மற்றும் ப்ரிசம் கிரஷ் வைட் நிறங்களில் கிடைக்கிறது.