சவுண்ட்கோர் பை ஆன்கர் நிறுவனத்தின் புதிய வயர்லெஸ் இயர்போன் அறிமுகம்!

இந்திய சந்தையில் சவுண்ட்கோர் பை ஆன்கர் நிறுவனம் லைஃப் யு2 நெக்பேண்ட் வயர்லெஸ் இயர்போனை அறிமுகம் செய்து இருக்கிறது. நீண்ட நேர பேட்டரி பேக்கப் வழங்கும் இந்த இயர்போன் யுஎஸ்பி சி, ஃபாஸ்ட் சார்ஜிங் வசதி, ப்ளூடூத் 5 மற்றும் பல்வேறு கனெக்டிவிட்டி அம்சங்களை கொண்டுள்ளது.

புதிய வயர்லெஸ் இயர்போன் மிக குறைந்த எடை கொண்டுள்ளது. இதில் சிலிகான் நெக்பேண்ட் மற்றும் டைட்டானியம் அலாய் ஸ்டீல் கோர் வழங்கப்பட்டு இருக்கிறது. இந்த இயர்போன் 10 என்எம் ஒவர்சைஸ் செய்யப்பட்ட டைனமிக் டிரைவர்களை கொண்டு இயங்குகிறது.

இது ஆடியோ அனுபவத்தை மேம்படுத்தி, மிக துல்லியமான கிளாரிட்டி மற்றும் பேஸ் வழங்கும் என சவுண்ட்கோர் தெரிவித்து உள்ளது. இந்த இயர்போன் ஐபிஎக்ஸ்7 சான்று பெற்று இருக்கிறது. இத்துடன் சிவிசி 8.0 நாய்ஸ் கேன்சலேஷன் தொழில்நுட்பம் வழங்கப்பட்டு இருக்கிறது.

ப்ளூடூத் 5.0 வசதியுடன் வரும் இந்த இயர்போன் 20 மீட்டர் ரேன்ஜ் கொண்டிருக்கிறது. மேலும் இதில் ஒரே சமயத்தில் இரண்டு சாதனங்களை இணைக்கும் வசதியுடன் வருகிறது. இந்த இயர்போன் ஒருமுறை சார்ஜ் செய்தால் 24 மணி நேர பேக்கப் வழங்குகிறது.

இந்தியாவில் சவுண்ட்கோர் லைஃப் யு2 ப்ளூடூத் மாடல் விலை ரூ. 2899 என நிர்ணயம் செய்யப்பட்டு இருக்கிறது. இதன் விற்பனை ப்ளிப்கார்ட் தளத்தில் நடைபெறுகிறது.