பங்கு சந்தைகள் ... இன்றும் ஏற்றம்

மும்பை: 2-வது நாளாக இன்று ஏற்றம் .... நடப்பு ஆண்டின் இறுதி வாரத்தில், கிறிஸ்துமஸ் கொண்டாட்டத்திற்கு பின்னர் தொடங்கிய நேற்றைய முதல் நாள் பங்கு வர்த்தகம் லாபத்துடன் காணப்பட்டது. கடந்த வாரம் இறுதியில், மும்பை பங்கு சந்தையில் வர்த்தகம் 59,845.29 புள்ளிகளுடன் முடிவடைந்து இருந்தது. எனவே இதன்படி, மும்பை பங்கு சந்தையில் நேற்று 59,755.08 புள்ளிகளுடன் தொடங்கிய சென்செக்ஸ் குறியீடு, காலை 9.40 மணியளவில் 447.68 புள்ளிகள் வரை உயர்ந்து 60,292.97 புள்ளிகளாக காணப்பட்டது.

அதிக அளவாக காலையில் 60.307.94 புள்ளிகள் வரை சென்றது. இதேபோன்று தேசிய பங்கு சந்தையில் நிப்டி குறியீடு நேற்று காலையில் 100 புள்ளிகள் வரை அதிகரித்து 17,950 புள்ளிகளாக காணப்பட்டது. இந்த நிலையில், மும்பை மற்றும் தேசிய பங்கு சந்தைகள் 2-வது நாளாக இன்று ஏற்றத்துடன் தொடங்கியுள்ளன.

இதேபோன்று தேசிய பங்கு சந்தையில் நிப்டி குறியீடு 106.50 புள்ளிகள் அதிகரித்து 18,121.50 புள்ளிகளாக இருந்தது. டாடா மோட்டார்ஸ், ஹிண்டால்கோ, ஓ.என்.ஜி.சி., ஜே.எஸ்.டபிள்யூ மற்றும் டாடா ஸ்டீல் ஆகியவை லாபத்துடன் அதிகரித்து காணப்பட்டன.

இதையடுத்து விடுமுறையை முன்னிட்டு ஆஸ்திரேலியா, நியூசிலாந்து மற்றும் ஹாங்காங் பங்கு சந்தைகள் மூடப்பட்டு உள்ளன. அமெரிக்க டாலருக்கு நிகரான இந்திய ரூபாயின் மதிப்பு இன்று வர்த்தக தொடக்கத்தில், ரூ.82.70 என்ற அளவில் இருந்தது. இது நேற்றைய ரூ.82.65 என்ற மதிப்பை விட சற்று சரிவடைந்து இருந்தது.