அசுஸ் ரோக் போன் 3 மாடலின் விலை திடீர் குறைப்பு

இந்தியாவில் அசுஸ் ரோக் போன் 3 மாடலின் விலை திடீரென குறைக்கப்பட்டு இருக்கிறது. அதன்படி ரோக் போன் 3 விலை ரூ. 3 ஆயிரம் நிரந்தரமாக குறைக்கப்பட்டு இருக்கிறது. விலை குறைப்பின் படி அசுஸ் ரோக் போன் 3 தற்சமயம் ரூ. 46,999 விலையில் விற்பனை செய்யப்படுகிறது.

முன்னதாக அசுஸ் ரோக் போன் 3 ஸ்மார்ட்போன் ரூ. 49,999 விலையில் விற்பனை செய்யப்பட்டு வந்தது குறிப்பிடத்தக்கது. மேலும் ப்ளிப்கார்ட் பிக் தீபாவளி சேல் சிறப்பு விற்பனையில் அசுஸ் ரோக் போன் 3 கூடுதல் சலுகைகளுடன் கிடைக்கிறது.

இத்துடன் வட்டியில்லா மாத தவணை வசதி, ஆக்சிஸ் வங்கி கிரெடிட் மற்றும் டெபிட் கார்டுகளுக்கு 10 சதவீதம் உடனடி தள்ளுபடி உள்ளிட்டவை வழங்கப்படுகிறது.

விலை குறைப்பின் படி அசுஸ் ரோக் போன் 3 மாடல் பேஸ் வேரியண்ட் 8 ஜிபி + 128 ஜிபி மாடல் ரூ. 46,999, 12 ஜிபி + 256 ஜிபி மாடல் ரூ. 49,999 மற்றும் டாப் எண்ட் மாடல் 12 ஜிபி + 256 ஜிபி மாடல் ரூ. 54,999 விலையில் விற்பனை செய்யப்படுகிறது. இந்த ஸ்மார்ட்போன் பிளாக் நிறத்தில் மட்டும் கிடைக்கிறது.