புதிய ரெட்மி 9ஐ ஸ்மார்ட்போன் விரைவில் இந்தியாவில் அறிமுகம்!

சியோமியின் ரெட்மி பிராண்டு இந்திய சந்தையில் சமீபத்தில் ரெட்மி 9 பிரைம், ரெட்மி 9, ரெட்மி 9ஏ, ரெட்மி ஸ்மார்ட் பேண்ட் போன்ற சாதனங்களை அறிமுகம் செய்தது. அந்த வரிசையில், ரெட்மியின் புதிய ஸ்மார்ட்போன் இந்தியாவில் அறிமுகமாக இருக்கிறது.

புதிய ஸ்மார்ட்போன் ரெட்மி 9ஐ எனும் பெயரில் அறிமுகமமாகிறது. புது ஸ்மார்ட்போன் வெளியீட்டு விவரங்களை ரெட்மி தனது அதிகாரப்பூர்வ சமூக வலைதள பக்கங்களில் தெரிவித்து இருக்கிறது. ரெட்மி 9ஐ ஸ்மார்ட்போன் இந்தியாவில் செப்டம்பர் 15 ஆம் தேதி அறிமுகம் செய்யப்பட இருக்கிறது.

புது ஸ்மார்ட்போனிற்கென பிரத்யேக மைக்ரோசைட் ஒன்று துவங்கப்பட்டு இருக்கிறது. இந்த வலைதளத்தில் புதிய ஸ்மார்ட்போனின் சில விவரங்கள் இடம்பெற்று இருக்கிறது.

அதன்படி புதிய ரெட்மி 9ஐ ஸ்மார்ட்போனில் டாட் டிராப் ஸ்கிரீன், 4 ஜிபி ரேம், பெரிய பேட்டரி, எம்ஐயுஐ 12 உள்ளிட்ட அம்சங்கள் வழங்கப்படும் என குறிப்பிடப்பட்டு உள்ளது. இந்த ஸ்மார்ட்போன் ரெட்மி 9ஏ மாடலின் மற்றொரு வேரியண்ட் ஆக இருக்கும் என தெரிகிறது.

புதிய ரெட்மி 9ஐ ஸ்மார்ட்போன் ப்ளிப்கார்ட் வலைதளத்தில் விற்பனை செய்யப்பட இருக்கிறது. ரெட்மி 9ஐ மாடல் பற்றிய இதர விவரங்கள் வரும் நாட்களில் வெளியாகலாம்.