விவோ நிறுவனத்தின் வி20 2021 இந்திய சந்தையில் அறிமுகம்

விவோ நிறுவனத்தின் அதிகம் எதிர்பார்க்கப்பட்ட வி20 2021 ஸ்மார்ட்போன் இந்திய விலை அறிவிக்கப்பட்டது. இதன் விற்பனை அமேசான் தளத்தில் நடைபெறுகிறது. தோற்றத்தில் இந்த ஸ்மார்ட்போன் ஏற்கனவே அக்டோபர் மாதத்தில் அறிமுகம் செய்யப்பட்ட விவோ வி20 போன்றே காட்சியளிக்கிறது.

இருப்பினும், புதிய விவோ வி20 2021 மாடலில் ஸ்னாப்டிராகன் 730ஜி பிராசஸர் வழங்கப்பட்டு இருக்கிறது. இதுதவிர இந்த ஸ்மார்ட்போனின் சிறப்பம்சங்களில் வேறு எந்த மாற்றமும் மேற்கொள்ளப்படவில்லை.
அந்த வகையில் விவோ வி20 2021 ஸ்மார்ட்போனில் 6.44 இன்ச் FHD பிளஸ் 1080x2400 பிக்சல் AMOLED டிஸ்ப்ளே, குவால்காம் ஸ்னாப்டிராகன் 730ஜி பிராசஸர், 8 ஜிபி ரேம், 128 ஜிபி மெமரி, மெமரியை கூடுதலாக நீட்டிக்கும் வசதி வழங்கப்பட்டு இருக்கிறது.

மேலும் இதில், புகைப்படங்களை எடுக்க 64 எம்பி பிரைமரி கேமரா, 8 எம்பி இரண்டாவது கேமரா, 2 எம்பி மோனோ சென்சார், 44 எம்பி செல்பி கேமரா வழங்கப்பட்டு உள்ளது. இத்துடன் பன்டச் ஒஎஸ் 11 சார்ந்த ஆண்ட்ராய்டு 10, டூயல் சிம் ஸ்லாட், இன்-டிஸ்ப்ளே கைரேகை சென்சார் வழங்கப்பட்டு இருக்கிறது.

4000 எம்ஏஹெச் பேட்டரி கொண்டு சக்தியூட்டப்படும் விவோ வி20 2021 பாஸ்ட் சார்ஜிங் வசதி கொண்டிருக்கிறது. இத்துடன் 4ஜி எல்டிஇ, வைபை, ப்ளூடூத், ஜிபிஎஸ், யுஎஸ்பி டைப் சி கனெக்டிவிட்டி வழங்கப்பட்டு உள்ளது. இந்த ஸ்மார்ட்போன் மிட்நைட் ஜாஸ் மற்றும் சன்செட் மெலடி நிறங்களில் கிடைக்கிறது. இந்தியாவில் புதிய விவோ வி20 2021 ஸ்மார்ட்போனின் விலை ரூ. 24,990 என நிர்ணயம் செய்யப்பட்டு உள்ளது.