இந்திய சந்தையில் ஜாப்ரா நிறுவனத்தின் புதிய இயர்பட்ஸ் மாடல் பிரீமியம் விலையில் அறிமுகம்

ஜாப்ரா நிறுவனம் இந்திய சந்தையில் பிரீமியம் விலையில் புதிய இயர்பட்ஸ் மாடலை அறிமுகம் செய்து இருக்கிறது. ஜாப்ரா பிராண்டின் எலைட் 85டி ட்ரூ வயர்லெஸ் இயர்பட்ஸ் இந்தியாவில் அறிமுகம் செய்யப்பட்டுள்ளது. புதிய இயர்பட்ஸ் அட்ஜஸ்ட் செய்யக்கூடிய ஆக்டிவ் நாய்ஸ் கேன்சலேஷன் வசதி கொண்டிருக்கிறது.

இத்துடன் டூயல் சிப்செட் வழங்கப்பட்டு உள்ளது. இவை தலைசிறந்த ஆடியோ அனுபவத்தை வழங்குகிறது. இந்த இயர்பட்ஸ் கியூஐ சான்று பெற்ற வயர்லெஸ் சார்ஜிங் வசதி கொண்டுள்ளது. புதிய இயர்பட் ஒவ்வொன்றும் அதிகபட்சம் 5.5 மணி நேர பேக்கப் வழங்கும் திறன் கொண்டிருக்கின்றன. இத்துடன் வழங்கப்படும் சார்ஜிங் கேஸ் சேர்க்கும் போது 25 மணி நேர பேக்கப் கிடைக்கும்.

இதில் உள்ள HearThrough Mode கொண்டு வெளிப்புற சத்தத்தை இயர்பட்கள் வழியே கேட்க முடியும். இந்திய சந்தையில் ஜாப்ரா எல்டை 85டி ட்ரூ வயர்லெஸ் இயர்பட்ஸ் விலை ரூ. 18,999 என நிர்ணயம் செய்யப்பட்டு உள்ளது. இது டைட்டானியம் பிளாக் நிறத்தில் கிடைக்கிறது. இதன் விற்பனை இன்று அமேசான் தளத்தில் துவங்குகிறது.

செமி ஓபன் டிசைன் கொண்டிருக்கும் இந்த இயர்போன்களில் 12 எம்எம் ஸ்பீக்கர்கள் வழங்கப்பட்டு இரு்கின்றன. இதன் வடிவமைப்பு காதுகளில் சவுகரிய அனுபவத்தை வழங்குகின்றன. இதன் வடிவம் காதுகளில் கச்சிதமாக பொருந்தி கொள்ளும் வகையில் உருவாக்கப்பட்டு இருக்கின்றன. இதில் உள்ள பிரத்யேக நாய்ஸ் கேன்சலேஷன் சிப் சிறப்பான நாய்ஸ் கேன்சலேஷன் வசதியினை வழங்குகிறது.